Loki – Team Story

Skemmtilegt spil fyrir 2 eða fleiri leikmenn, 5 ára og eldri. Yfirnáttúrulegur hvirfilbylur hefur rústað bókasafninu og blaðsíður úr galdraskræðunni rifnuðu úr og flugu út í buskann. Leikmenn taka sér hlutverk galdralærlinga og reyna að fá síðurnar tilbaka. Leikmenn skipta sér í sögumenn og hlustendur. Sögumennirnir nota myndirnar á spilunum sínum til að segja hlustendunum sögu og síðan er spilunum ruglað saman. Hlustandinn þarf síðan að finna myndirnar og reyna að raða þeim í rétta röð. Spil sem reynir á sköpunargáfu og gott minni.